«Ակտիվ քաղաքացի» նախագիծ
Նպատակը՝
-
Նախագիծը կօգնի սովորողներին դառնալ ակտիվ քաղաքացիներ իրենց համայնքներում.
-
Կնպաստի համայնքային կյանքին՝ սովորողների ակտիվ ներգրավմանը.
-
Պատրաստել քաղաքացիների նոր սերունդ, ովքեր հակված են քաղաքացիական մասնակցությանը և համայնքային կյանքի զարգացմանը.
-
Կօգնի սովորողներին ազդել հանրային քաղաքականության վրա.
-
Կնպաստի դպրոց-համայնք կապի ամրապնդմանը և ուսումնական գործընթացում սովորողների ներգրավմանը համայնքային հիմնախնդիրների ուսումնասիրման հարցերում.
-
Կնպաստի սովորողների՝ բացահայտելու և հետազոտելու հմտությունների և կարողությունների զարգացմանը.
Քայլերը՝
ՓՈՒԼ 1-ԻՆ.
-Այս փուլում սովորողներին տրվում է առաջադրանք՝ կատարել ուսումնասիրություն և բացահայտել իրենց թաղամասի կամ համայնքի հիմնախնդիրները.
ՓՈՒԼ 2-ՐԴ.
– Սովորողներից կազմել խմբեր /ընտրել այն սովորողներին, ովքեր կատարել են առաջին փուլի առաջադրանքը և դրսևորել են ակտիվություն/ և տարբեր համայնքների բնակիչների շրջանում հարցումներ իրականացնելով՝ պարզել նրանց կարծիքն ու վերաբերմունքը իրենց համայնքի հիմնախնդիրների մասին.
ՓՈՒԼ 3-ՐԴ.
-Այս փուլում սովորողները լսարանում կազմակերպում են քննարկում և քննարկման արդյունքում ընտրում են յուրաքանչյուր համայնքի համար առաջնային համարվող հիմնախնդիրը /դա կլինի այն հիմնախնդիրը, որը բնակչության մեծամասնությունը հարցման ընթացքում համարել է կարևոր ու առաջնային/.
ՓՈՒԼ 4-ՐԴ.
-Խմբերի ընտրած առաջնային հիմնախնդիրների վերաբերյալ տեղեկությունների հավաքում (տպագիր, ռադիոհեռուստատեսային և համացանցային տեղեկատվության աղբյուրներից).
ՓՈՒԼ 5-ՐԴ.
-Հարցազրույցների փուլ-սովորողները հարցազրույցներ են վարում համապատասխան պատասխանատու մարմինների ներկայացուցիչների հետ (տվյալ վարչական շրջանի ավագանու անդամի, ղեկավարի կամ թաղապետարանի համապատասխան ներկայացուցչի, համապատասխան նախարարության ներկայացուցչի, քաղաքապետարանի համապատասխան բաժնի ղեկավարի և այլոց հետ).
ՓՈՒԼ 6-ՐԴ.