ՔԱՂԱՔԱԳԻՏՈւԹՅՈւՆ ԲԱԺԻՆ
ԱՎԱԳ ԴՊՐՈՑ-11-ՐԴ ԴԱՍԱՐԱՆ
Ժամաքանակը՝ շաբաթական 1 ժամ, տարեկան 34 ժամ
Ավագ դպրոցի «Հասարակագիտություն» առարկայի 11-րդ դասարանների ծրագիրը կազմվել է՝ հիմք ընդունելով «Կրթության մասին» և «Հանրակրթության մասին» ՀՀ օրենքները, Հանրակրթության պետական չափորոշչի և հանրակրթական Ավագ դպրոցի «Հասարակագիտություն» առարկայի չափորոշչի հայեցակարգային դրույթները, առարկայական ծրագրին ներկայացվող սկզբունքներն ու պահանջները, ինչպես նաև «Մխիթար Սեբաստացի» կրթահամալիրում իրականացվող ՀՀ ԿԳՆ փորձարարական և այլընտանքային ծրագիրը.
Նպատակը՝
«Հասարակագիտություն» առարկայի «Քաղաքագիտություն» բաղադրիչի դասավանդման հիմնական նպատակն է՝ սովորողներին ծանոթացնել անցյալի և ժամանակակից քաղաքականության հիմնական ասպեկտներին, սկզբունքներին և վարման մեթոդներին ու
տեխնոլոգիաներին: Պատմության և Հասարակագիտության դասընթացներից
ստացած գիտելիքների հենքի վրա կառուցելով՝ տալ համապատասխան գիտելիքներ
հասարակության քաղաքական և իրավական կյանքի մասին.
Հիմնական խնդիրները՝
Սովորողներին հասանելի դարձնել քաղաքագիտության ծագման ու զարգացման
պատմությունը
-Սովորողների մոտ զարգացնել վերլուծական, տրամաբանական և քննադատական մտածողություն
-Ազատ, ակտիվ քաղաքացու մտածելակերպի դաստիարակություն
-Ծանոթացնել քաղաքագիտական հիմնական և գլխավոր տեսություններին,
քաղաքականության և տնտեսության փոխհարաբերություններին
-Գիտելիքներ տալ հասարակության տարբեր սոցիալական խմբերի շահերի մասին
-Զարգացնել ունակություններ և հմտություններ հասարակության քաղաքական
կյանքին ակտիվ մասնակցելու, սեփական ու հանրային շահը գիտակցելու ու տարբերակելու համար
-Զարգացնելու վերլուծողական ճկուն մտածելակերպ քաղաքական բարդ
իրավիճակներում կողմնորոշվելու համար
-Դաստիարակել հանդուրժողականություն և փոխադարձ հարգանք ազգային,
կրոնական և հասարակական այլ դրսևորումների նկատմամբ
-Նախագծային ուսուցման ձևակերպումը և իրականացումն այս դասընթացի միջոցով.
Ուսումնական միջավայր՝
Ուսումնական միջավայր կարող է հանդիսանալ ոչ միայն դասարանը, այլև պետական կառույցները /ԱԺ, Կառավարություն, Նախագահի նստավայր, Քաղաքապետարան, Թաղապետարան/, համայնքը, ուսումնա-հայրենագիտական ճամփորդությունները, սովորողի անձնական բլոգը, կրթահամալիրի կայքը, ենթակայքը և այլն.
Նախագծային և հետազոտական աշխատանքներ՝
Նախագծային և հետազոտական աշխատանքներին ներկայացվող պահանջներ՝
-Օգտագործված գրականության և համացանցի ռեսուրսների ցանկ
-Ստեղծականություն
-Վերլուծական միտք
-Համեմատություն
-Ինֆորմացիայի համակողմանի տիրապետում և վերլուծում
-Սեփական տեսակետի արծարծում
-Սեփական խոսքի մշակում.
Սովորողի ստուգման և գնահատման կարգ՝
Առավելագույն 10 միավորը սովորողները ձեռք են բերում հետևյալ սկզբունքով`
1.Կիսամյակային լիարժեք հաճախում՝ 1 միավոր
2. Բանավոր և գրավոր /բլոգային/ պատասխաններ, ուսումնական նյութերի և փաթեթների ստեղծում ևներկայացում՝ 4 միավոր
3. Մասնակցություն ուսումնական նախագծերին՝ 1 միավոր
4. Ուսումնահետազոտական աշխատանքներ՝ 2 միավոր
5. Մասնակցություն ուսումնահայրենագիտական ճամփորդություններին՝ 1 միավոր
6. Մասնակցություն ֆլեշմոբերին՝ 1 միավոր
Սովորողի ուսումնական գործունեության ամփոփման կարգ.
Բովանդակությունը՝
Բաժին 1. Քաղաքագիտություն առարկան
-Ինչ է ուսումնասիրում քաղաքագիտությունը /1 ժամ/
-Քաղաքականությունը և քաղաքական համակարգը /1 ժամ/
-Պետություն։Պետությունը հասարակության քաղաքական համակարգում /2 ժամ/
-Պետական իշխանությունը և ինքնիշխանությունը /1 ժամ/
-Պետական իշխանության իրականացման ձևերը և եղանակները /1 ժամ/
-Պետության կառավարման և կառուցվածքի ձևերը /2 ժամ/
-Պետության դերը հասարակության մեջ /1 ժամ/
-Իրավական և սոցիալական պետություն /1 ժամ/
-Պետական իշխանության բաժանման հիմնախնդիրը /2 ժամ/
Նախագծային աշխատանք՝
-«Իշխանության տարանջատումը ՀՀ-ում-Գործադիր իշխանություն /Այցելություն ՀՀ Կառավարություն/»
-Կուսակցությունները և քաղաքական գաղափարախոսությունները /2 ժամ/
-Քաղաքական կուսակցությունների առաջացումը /1 ժամ/
-Կուսակցական համակարգերը (միակուսակցական, երկկուսակցական,
բազմակուսակցական) /1 ժամ/
-Քաղաքական շարժումներ, հասարակական կազմակերպություններ /2 ժամ/
-Կուսակցությունները քաղաքական համակարգում /1 ժամ/
-Արդի գաղափարաքաղաքական հոսանքներ /Ազատականություն, Ազգայնականություն, Պահպանողականություն/ /1 ժամ/
Նախագծային աշխատանք՝
-«Կուսակցությունները՝ ԱԺ-ում-Այցելություն ՀՀ Ազգային ժողով»
-Մարդը քաղաքականության մեջ /1 ժամ/
-Անձի քաղաքական շահերն ու պահանջմունքները /1 ժամ/
-Անձի և հասարակության շահերի հարաբերակցությունը /1 ժամ/
-Երիտասարդության քաղաքական ակտիվությունը /1 ժամ/
-Քաղաքական վերնախավ հասկացությունը: Նրա գործառույթները /1 ժամ/
-Գ. Մոսկի, Վ. Պարետոյի, Ռ. Միխելսի տեսությունները քաղաքական վերնախավի մասին /2 ժամ/
-Քաղաքական առաջնորդները: Նրանց դերը քաղաքական կյանքում: Քաղաքական
առաջնորդի գործառույթները: Առաջնորդ և անձի պաշտամունք: Առաջնորդի նկարագիրը /2 ժամ/
-Ժամանակակից Հայաստանի քաղաքական առաջնորդները /1 ժամ/
Անհատական աշխատանք՝
-«Իմ նախընտրած քաղաքական առաջնորդը»
-Արտաքին քաղաքականությունը և Միջազգային իրավունքը /2 ժամ/
-Պետության արտաքին քաղաքականությունը և գործառույթները /1 ժամ/
-Միջազգային իրավունքի ընդհանուր հիմունքները։ Միջազգային իրավունքի աղբյուրները և սկզբունքները /2 ժամ/
-Արտաքին քաղաքականության կառավարումը /1 ժամ/
-Ազգային շահեր։ Ազգային անվտանգություն /1 ժամ/
Նախագծային աշխատանք՝
-«ՀՀ Արտաքին գործերի նախարարությունը-Այցելություն ԱԳՆ»
-Պատերազմը և քաղաքականությունը /1 ժամ/
-Պատերազմը որպես հասարակական երևույթ /1 ժամ/
-Պատերազմի միջազգային իրավական կարգավորումը /1 ժամ/
-Տարածքային հակամարտություններ /1 ժամ/
-Արցախյան հակամարտության պատմական արմատները /1 ժամ/
Նախագծային աշխատանք՝
-«Արցախյան հիմնախնդրի արդի վիճակը».
Վարդան Կարապետյանի բլոգ 