ԱՎԱԳ ԴՊՐՈՑ-12-ՐԴ ԴԱՍԱՐԱՆ
Ժամաքանակը՝ շաբաթական 4 ժամ, տարեկան 132 ժամ
Ավագ դպրոցի «Պատմություն» առարկայի 10-12-րդ դասարանների ծրագիրը կազմվել է՝ հիմք ընդունելով «Կրթության մասին» և «Հանրակրթության մասին» ՀՀ օրենքները, Հանրակրթության պետական չափորոշչի և հանրակրթական Ավագ դպրոցի «Պատմություն» առարկայի չափորոշչի հայեցակարգային դրույթները , առարկայական ծրագրին ներկայացվող սկզբունքներն ու պահանջները, ինչպես նաև «Մխիթար Սեբաստացի» կրթահամալիրում իրականացվող ՀՀ ԿԳՆ փորձարարական և այլընտանքային ծրագիրը.
Հանրակրթական Ավագ դպրոցի 10-12-րդ դասարանների «Պատմություն» առարկան ընդգրկում է Հայաստանի և հայ ժողովրդի, ինչպես նաև համաշխարհային պատմությունն ամբողջականորեն՝ հնագույն ժամանակներից մինչև մեր օրերը: Մեր և աշխարհի այլ ժողովուրդների անցած պատմական ուղու համակարգված և հանրամատչելի շարադրանքը սովորողներին կծանոթացնի հազարամյակների կենսագրություն ունեցող հայկական և համաշխարհային քաղաքակրթության հետ, նրանց առաջացման ու զարգացման օրինաչափություններին, նրանց ստեղծած արժեքներին և համամարդկային նվաճումներին, ինչպես նաև՝ այդ ճանապարհին հայ ու համաշխարհային ժողովուրդների ունեցած դժվարություններին ու կորուստներին.
Նպատակը՝
Ավագ դպրոցում «Պատմություն» առարկայի ուսուցման նպատակն է՝
-սովորողներին ներկայացնել «Պատմություն» գիտությունը, դրա տեղը հասարակական գիտությունների շարքում
-սովորողների ունեցած իմացական հենքի վրա կառուցելով՝ տալ համապարփակ գիտելիքներ անցյալի և ապագայի հետ կապակցվող շղթայի վերաբերյալ.
Հիմնական խնդիրները՝
-Սովորողների մոտ վերլուծական և տրամաբանական մտածողության զարգացումը
-Անցյալի կենսափորձի վրա հիմնված և ունեցած գիտելիքների առօրեական կիրառումը
-Ինքնաճանաչողության որոշակի աստիճանի ապահովումը
-Ինքնության խնդիրների իմացությունը
-Քաղաքացու կայացման ճանապարհին ճիշտ ուղղորդումը
– Համաշխարհային պատմության կարևորագույն և հայության հետ առնչվող առանցքային դեպքերը ներկայացնել սահուն կերպով՝ շաղախելով դրանք ընդհանուր համատեքստում
-Նախագծային ուսուցման ձևակերպումը և իրականացումն այս դասընթացի միջոցով.
Ուսումնական միջավայր՝
Ուսումնական միջավայր կարող է հանդիսանալ ոչ միայն դասարանը, այլև թանգարանը, համայնքը, ուսումնա-հայրենագիտական ճամփորդությունները, տեսարժան վայրերը, պատմա-հնագիտական վայրերը, սովորողի անձնական բլոգը, կրթահամալիրի կայքը, ենթակայքը և այլն.
Նախագծային և հետազոտական աշխատանքներ՝
Նախագծային և հետազոտական աշխատանքներին ներկայացվող պահանջներ՝
-Օգտագործված գրականության և համացանցի ռեսուրսների ցանկ
-Ստեղծականություն
-Վերլուծական միտք
-Համեմատություն
-Ինֆորմացիայի համակողմանի տիրապետում և վերլուծում
-Սեփական տեսակետի արծարծում
-Սեփական խոսքի մշակում.
Բովանդակություն
Առաջին ուսումնական շրջան /Սեպտեմբեր-դեկտեմբեր/
1. Մուտքի դաս-«Պատմություն» դասընթացի նորագույն և արդի փուլը-1 ժամ
2. Սոցիալիստական հասարակության ձևավորումը-2 ժամ
3. Խորհրդային Հայաստանի հասարակական-քաղաքական կյանքը-2 ժամ
4. Երկրորդ աշխարհամարտը /1939-1945 թթ./-3 ժամ
5. Հայրենական Մեծ պատերազմը և հայ ժողովուրդը /1941-1945 թթ./-3 ժամ
6. Խորհրդային Հայաստանը հետպատերազմյան տարիներին-3 ժամ
7. Խորհրդային Հայաստանը վերակառուցման տարիներին-3 ժամ
8. Արցախյան շարժումը-3 ժամ
9. Հայաստանի անկախացման գործընթացը-3 ժամ
10. Հայաստանի երրորդ հանրապետության կայացման գործընթացը-2 ժամ
11. ՀՀ սոցիալ-տնտեսական դրությունը-2 ժամ
12. ՀՀ հասարակական-քաղաքական կյանքը-3 ժամ
13. ՀՀ միջազգային դրությունը, արտաքին քաղաքականությունը-3 ժամ
14. Հայկական հեղափոխությունը-2 ժամ
15. ԼՂՀ անկախության հռչակումը-2 ժամ
16. Արցախյան պատերազմը-2 ժամ
17. ԼՂՀ միջազգային դրությունը-2 ժամ
18. Հայկական սփյուռքը 1920 թվականից մինչև մեր օրերը-5 ժամ
19. Հայկական մշակույթը 1920 թվականից մինչև մեր օրերը-5 ժամ
20. Գիտատեխնիկական հեղափոխությունը և արդյունքները-2 ժամ
21. Հետարդյունաբերական-տեղեկատվական հասարակությունը-2 ժամ
22. Քաղաքական նոր իրադրությունն աշխարհում-2 ժամ
23. ԽՍՀՄ փլուզումն ու նորանկախ պետությունների առաջացումը-2 ժամ
24. Տարածաշրջանային նոր հակամարտությունները-2 ժամ
25. Ազգերի ինքնորոշման հիմնախնդիրը-2 ժամ
26. Աշխարհի ժողովրդավարացման գործընթացը-2 ժամ
27. Մարդկության առջև ծառացած արդի հիմնախնդիրները-2 ժամ
28. Պատերազմի և խաղաղության հիմնախնդիրը-2 ժամ
29. Քաղաքակրթության զարգացման հեռանկարները 21-րդ դարում-2 ժամ
30. Հայ և համաշխարհային մշակույթի զարգացման գլխավոր նվաճումները-4 ժամ
31. Առաջին ուսումնական շրջանի ամփոփում
Երկրորդ ուսումնական շրջան-Ձմեռային ճամբար
Երրորդ ուսումնական շրջան /Փետրվար-մայիս/
12-րդ դասարանի երրորդ ուսումնական շրջանի ծրագրային բաղադրիչը ավարտական քննություններին նախապատրաստվելն է:
Չորրորդ ուսումնական շրջան-Ամառային ճամբար
Գնահատում /10 միավորանոց համակարգով/
-Բանավոր հարցում-1-4 մավոր
-Բլոգային աշխատանք-1-4 միավոր
-Նախագծային աշխատանք-1 միավոր
-Հետազոտական աշխատանք-1 միավոր
Վարդան Կարապետյանի բլոգ 