11-րդ դասարանի «Հասարակագիտություն» առարկայի «Քաղաքագիտություն» դասընթացի հեղինակային ծրագիր
Շաբաթական՝ 1 դասաժամ, տարեկան՝ 34 դասաժամ
Իրավիճակի նկարագրություն
«Մխիթար Սեբաստացի» կրթահամալիրում հասարակագիտություն/քաղաքագիտություն դասընթացը դասավանդվում է հիմքում ունենալով՝
- Հանրակրթության պետական չափորոշիչը
- հեղինակ ուսուցչի մշակած ծրագիրը
- սովորողի անհատական պլանը
- կրթահամալիրի ուսումնական օրացույցը
- հասարակագիտության լաբորատորիայի օրացույցը
- կրթահամալիրային ստուգատեսները, ճամբարները
Կազմակերպումը՝
Հասարակագիտություն/քաղաքագիտություն դասընթացը կազմակերպվում-իրականացվում է՝
- հրավիրյալ մասնագետների հետ հանդիպում-քննարկումներով
- հասարակագիտական, հասարակական-քաղաքացիական կրթության նախագծերի իրականացմամբ
- մերօրյա իրադարձությունների շուրջ դաս-քննարկումներով, կլոր սեղանների կազմակերպմամբ
- պետական-կառավարման մարմիններ և հասարակական կազմակերպություններ այցելություններով /ՀՀ Ազգային ժողով, Կառավարություն, նախագահի նստավայր, նախարարություններ, դատական մարմիններ, Միպ գրասենյակ, ամենատարբեր ՀԿ գրասենյակներ, ԶԼՄ գրասենյակներ և ակումբներ/
- ակումբային գործունեությամբ՝ «Քաղաքագիտական ակումբ», «Ազատ խոսքի» ակումբ, «Պատանեկան ակումբ», «Թուրքերենի» ակումբ
- կրթական փոխանակումներով ուսումնական ճամփորդությունների իրականացմամբ
-այլ
Ուսուցման խնդիրները՝
Հասարակագիտության/քաղաքագիտության ուսուցումը ուղղված է սովորողների հետևյալ կարողությունների ձևավորմանն ու զարգացմանը`
- վերլուծել, համեմատել, ընդհանրացնել, համադրել և հակադրել հասարակական-քաղաքացիական կյանքի տարբեր ոլորտներին վերաբերող հիմնախնդիրներ, իրադարձություններ, երևույթներ, փաստեր.
- տարբեր սկզբնաղբյուրներից տեղեկատվություն ընտրել, հետազոտել, վերլուծել, եզրակացություններ անել
- հետազոտական, վերլուծական հմտությունների, ստեղծագործական, քննադատական մտածողության զարգացում
- իրականացնել թիմային աշխատանք, համագործակցել և կարողանալ ներկայացնել ստացած գիտելիքը և կատարած աշխատանքը
- հանրային կյանքի տարբեր ոլորտներում կիրառել հաղորդակցվելու համարժեք ձևեր
- ուսումնառությունը և իրական, առօրյա կյանքը կապել համայնքային հիմնախնդիրների ուսումնասիրման միջոցով
- հասկանալ և գնահատել իր դերը հասարակական կյանքում` որպես տվյալ ժամանակաշրջանում և որոշակի տարածության մեջ ապրող քաղաքացի
- տարբերակել օրենքի և իրավունքի հետ առնչվող խնդիրները, հասկանալ դրանց իրավական և ոչ իրավական լուծումների տարբերությունը, յուրացնել ու գնահատել օրենքների և օրինականության նշանակությունը՝ իրավագիտակից, օրինապաշտ և ակտիվ քաղաքացիներ դառնալու համար
- արտահայտել սեփական կարծիքը և այն պաշտպանել տարբեր հասարակական-քաղաքական խնդիրների շուրջ կազմակերպված քննարկումների և բանավեճերի ընթացքում
- դրսևորել ստեղծագործական մտածելակերպ
- ունենալ գործուն քաղաքացիական դիրքորոշում և գործնականում կիրառել ժողովրդավարության սկզբունքները
Ուսուցման միջավայրը՝
- ուսումնական կաբինետ-ընթերցասրահ՝ անխափան անլար ինտերնետ կապով, ընթերցասրահ, դահլիճ, սրահ, բակ, վերնատւն
- հասարակագիտական ստուգատեսը՝ որպես ուսումնական բաց հարթակ
- դասավանդողի, սովորողների անհատական թվային գործիք, տեսագրող, ձայնագրող, լուսանկարող թվային միջոցներ
- ուսումնական անհատական թվային միջոցներ /նոթբուք, նեթբուք, պլանշետ/, ֆոտոխցիկ, ձայնագրիչ
- անհատական համակարգչում /նոթբուք, նեթբուք, պլանշետ/ դասընթացի ծրագրով
որոշված համակարգչային ծրագրեր, ուսումնական մեդիագրականություն - դասավանդողի, սովորողի, դասարանի անհատական ուսումնական բլոգներ, ուսումնական բլոգում՝ համապատասխան բաժիններ
- կրթահամալիրի մեդիագրադարան
- mskh.am կայքը, ուսումնական TV-ն. կրթահամալիրի գրադարանի էլեկտրոնային ուսումնական փաթեթները, տարբեր բլոգներ, կայքեր, Youtube–ը, մեդիաընթերցասրահը
- դասընթացի դասավանդման ընթացքում օգտագործվում են մի շարք մեդիամիջոցներ` համակարգիչ /նոթբուք, նեթբուք, պլանշետ/, էլ. գրատախտակ, հեռուստացույց, մեդիագրադարանների, բլոգների, կայքերի, էլեկտրոնային ուսումնական նյութերի հղումներ, կրթահամալիրի կայքը` տարբեր հետազոտական աշխատանքներ իրականացելու և այնտեղ հրապարակելու համար
Բովանդակություն՝
1. Մուտքի դաս՝ «Քաղաքագիտություն» առարկան Ավագ դպրոցում-1 ժամ
2. Քաղաքական իշխանություն-1 ժամ
3. Պետություն: Պետության առաջացումը, նրա էությունը, կառուցվածքը և գործառույթները-2 ժամ
4. Պետական իշխանությունը և ինքնիշխանությունը-2 ժամ
5. Պետական իշխանության իրականացման ձևերը և եղանակները-1 ժամ
6. Պետության կառավարման և կառուցվածքի ձևերը-2 ժամ
7. Իրավական և սոցիալական պետություն-2 ժամ
8. Պետական իշխանության բաժանման հիմնախնդիրը-2 ժամ
9. Կուսակցություններ: Կուսակցական համակարգերը (միակուսակցական, երկկուսակցական, բազմակուսակցական)-2 ժամ
10. Քաղաքացիական հասարակություն և իրավական պետություն-2 ժամ
11. Արտաքին քաղաքականությունը և Միջազգային իրավունքը-2 ժամ
12. Պետության արտաքին քաղաքականությունը և գործառույթները-2 ժամ
13. Միջազգային իրավունքի ընդհանուր հիմունքները-2 ժամ
14. Միջազգային իրավունքի աղբյուրները և սկզբունքները-2 ժամ
15. Ազգային շահեր։ Ազգային անվտանգություն-2 ժամ
16. Պատերազմը որպես հասարակական երևույթ-1 ժամ
17. Պատերազմի միջազգային իրավական կարգավորումը-1 ժամ
18. Տարածքային հակամարտություններ-2 ժամ
19. Արցախյան հակամարտություն-2 ժամ
20. Դասընթացի ամփոփում, ընդհանրացում-1 ժամ
Գնահատում
- ներկայության համար՝ 1 միավոր
- ուսումնական պարապմունքներին մասնակցություն՝ 2 միավոր
- քննարկումներին, նախագծերին, բանավեճերին, կլոր սեղան-հանդիպումներին, հասարակագիտական ստուգատեսային նախագծերին մասնակցություն՝ 4 միավոր
- ընթացիկ առաջադրանքների /բլոգային աշխատանք/ կատարում՝ 3 միավոր
Օգտագործվող կայքեր և նորմատիվ փաստաթղթեր՝
Սովորողները պարբերաբար օգտվելու են՝
-ՀՀ Սահմանադրություն
-ՀՀ Ազգային ժողով
-ՀՀ Կառավարություն
-ՀՀ նախագահ
-ՀՀ դատական իշխանություն
-ՀՀ Սահմանադրական դատարան
-ՀՀ դատական տեղեկատվական համակարգ
-ՀՀ Իրավական տեղեկատվական համակարգ
-ՀՀ փաստաբանների պալատ
-ՀՀ Մարդու իրավունքների պաշտպան
-Կրթության մասին ՀՀ իրենք
-Հանրակրթության մասին ՀՀ օրենք
-Հանրակրթության պետական չափորոշիչ
-ՀՀ քաղաքացիական օրենսգիրք
-ՀՀ ընտանեկան օրենսգիրք
-ՀՀ ընտրական օրենսգիրք
-ՀՀ դատական օրենսգիրք
-ՀՀ քրեական օրենսգիրք
-ՀՀ քաղաքացիական դատավարության օրենսգիրք
–Իրավական ակտերի մասին ՀՀ օրենք
-Մարդու իրավունքների համընդհանուր հռչակագիր
-Մարդու իրավունքների եվրոպական կոնվենցիա
Վարդան Կարապետյանի բլոգ 