ՆԱԽԱԳԾԱՅԻՆ ՈՒՍՈՒՑՄԱՆ ՍՏՈՒԳԱՏԵՍ-ՆՈՅԵՄԲԵՐԻ 14, ԿԵՆՏՐՈՆԱԿԱՆ ԸՆԹԵՐՑԱՍՐԱՀ
Այսօր Մայր դպրոցի կենտրոնական ընթերցասրահում կազմակերպել էի կլոր սեղան-քննարկում 8-րդ դասարանների սովորողների մասնակցությամբ, որի ընթացքում սովորողներն ամփոփեցին «Ակտիվ քաղաքացի» նախագծի առաջին փուլի արդյունքները:
Սովորողները ներկայացրեցին իրենց բնակավայրերում կատարած ուսումնասիրությունների արդյունքում բացահայտված հիմնախնդիրները:
Պետք է նշեմ, որ սովորողները լավ էին աշխատել և ակտիվ ու անկաշկանդ ներկայացնում էին իրենց բնակավայրի հիմնախնդիրները՝ հետաքրքիր փաստարկներով և լուսանկարներով:
Նախագծի բոլոր մասնակիցներին լսելուց հետո՝ մյուս սովորողները ևս, ովքեր ընդգրկված չէին նախագծում, ոգևորված իրենց ընկերների ելույթներով, սկսեցին բարձրաձայնել իրենց բնակավայրերի հիմնախնդիրների մասին և ցանկություն հայտնեցին ընդգրկվել մեր նախագծային խմբում:
Ամփոփելով առաջին փուլում սովորողների կատարած աշխատանքը՝ մենք միասին որոշեցինք մեր հաջորդ՝ երկրորդ փուլի անելիքները: